Prohibishon di drenta Perú ta un ‘estupides’

101
Maduro, kende a duna 48 ora pa koregí e postura.

CARACAS – E presidente di Venezuela, Nicolas Maduro, a konsiderá e echo i medida diktá pa Perú i kua ta prohibié di drenta e pais, meskos ku su famianan, un estupides di marka mayó.

Esaki a indiká ku e desishon di e gobièrnu di Perú ta un ridikules, un estupides i no tin niun klase di efekto. Esaki el a indiká durante un rueda di prensa ku medionan di komunikashon tantu lokal komo ekstranhero, na Caracas.

Esaki a sigui indiká ku Amérika Latina no tei pa prohibí entrada di ningun hende i tambe traha niun muraya, pero ku nan tei pa dialogá, pa asina por sirkulá libremente den e paisnan.

Maduro ademas a bisa ku homólogo peruano, Martin Vizcarra, a manda mensahe pa algun persona pa asina manifestá na esaki nan ku e si ta respetá Venezuela. El a sigui bisa ku si e Presidente di Perú, di kende e no sa ni e nòmber, algun dia lo ke konosé algu di Venezuela, e tabatin ku yama e komo presidente. El a indiká ku nan lo por a establesé un diálogo pero esaki nan simplemente no ke papia, nan ke imponé nan mes.

E minister di Relashonnan Eksterior di Perú, Nestor Popolizio, a afirmá den oranan di djaluna tras di lomba ku su pais lo prohibí ingreso di miembronan vinkulá di un forma òf otro na e gobièrnu venezolano, meskos ku esun di miembronan di famia.

E desishon aki a keda adoptá pa e grupo di lima den nan reunion di 4 di yanüari último, den kua representantenan di 13 diferente pais a akordá pa no rekonosé e gobièrnu nobo di Maduro, kua ta inisiá den oranan di awe. Esaki pa motibu ku nan ta konsiderá ilegítimo, ku eksepshon di México, kende no a suskribí su mes na e dokumento.

Maduro a duna un tempu di 48 oranan, den oranan di ayera, pa koregí e postura aki. Esaki segun el a indiká refiriendo na e grupo formá pe gobièrnunan di Argentina, Brasil, Canada, Chile, Colombia, Costa Rica, Guatemala, Guyana, Honduras, Panama, Paraguay, Perú i St Lucia