Sr. Wilson Peralta a gana e Toyota Rush’19

285
Un impreshon di djaweps atardi ora ku sr. Wilson Rosario Peralta a risibí e Toyota Rush 2019 na Digicel Biesheuvel. Masha Pabien!
WILLEMSTAD: Djaweps último Digicel a hasi entrega di e Toyota Rush 2019 ku tabata e atrakshon prinsipal i premio mayó di nan kampaña di fin di aña ‘Un Pasku Briante’. Pareu ku lansamentu di e kampaña a introdusí e karchi nobo di 15 florin tambe.

Jorge Cuartas Marketing Manager di Digicel ta mira bèk riba un eksitoso kampaña, “Nos klientenan a hasi e kampaña aki un éksito rotundo i a bin ta ekspresá di ta masha kontentu ku e karchi di 15 florin.  Nos tin bon notisia; Digicel lo mantené e karchi di 15 florin riba merkado.”

 E ganadó di e outo a resultá sr. Wilson Rosario Peralta, total e’la rekargá 24 bes durante di e kampaña di fin di aña. Sr. Peralta ta un kliente di Digicel for di aña 2006, i e biaha aki suèrte a tok’é ku e por ‘kore’ drenta 2019 den su Toyota Rush nobo! Djaweps último Digicel a entregá Sr. Wilson e yabinan di su outo nobo.  “Nos ta gradisí sr. Peralta pa su lealtat na Digicel; awe, e por kuminsa su aña nobo koriendo den su SUV Toyota Rush nòpsnòps. Nos ta spera ku e lo disfrutá di su outo. Alabes, nos ta deseá henter pueblo di Kòrsou un felis aña nobo yen di prosperidat i felisidat”, asina sr. Cuartas a finalisá bisando.  Entretantu ya kaba Digicel ta preparando pa un otro temporada eksitante. Keda pendiente pa Digicel su kampaña di karnaval!