Sufrista ta sobrebibí atake di tribon na California

88
Tipo di tribon ku a ataká e hòmber.

ESTADOS UNIDOS – Un surfista a keda mordé na altura di su pianan pa un tribon den awanan di California, pero a sa di dal esaki algun skòp pa asina por logra sobrebibí.

Nick Wapner, di 19 aña di edat, a keda ataká den oranan di djamars tras di lomba, den oranan di mainta, miéntras e tabata sùrf ku amigunan na e playa Montana de Oro. E área den kua e tabata ta keda na masoménos 320 kilometer nortost di Los Angeles.

E supervisor di esun ku ta kontrolá i kuida mondinan, Robert Colligan, a indiká ku Wapner a reportá di keda ataká pa un tribon blanku di kasi sinku meter di largura.

E animal peligroso aki a morto e hòmber na altura di su ènkel di pia drechi i despues tambe na altura di su bèl.

Wapner a indiká na medionan di komunikashon di e pais, ku e animal a atak’é di patras miéntras e tabata sèt su mes pa sùrf un ola.

Esaki a sigui indiká ku tur kos a sosodé asina lihé, el a bòltu i a mira e animal na altura di su pia, ku su ènkel den su boka. El a indiká ku e animal tabata unu inmenso.

E surfista a sigui indiká ku e animal a morde pa un sekònde, pero despues el a logra lòs i skòp esaki pa asina lag’e bai. E animal despues simplemente a bira i bai for di e sitio.

Wapner a indiká ku el a pidi yudansa di su amigunan, kendenan tabata na e playa. Esaki a landa bai kantu i un di esaki nan a bai kuné na un sentro médiko, unda el a risibí mas di 50 kosé na altura di su pia.