Venezolano kontentu ku e ta será i ta kome 3 biaha pa dia

3240
WILLEMSTAD,– 3 hòmber di nashonalidat venezolano a keda detené en konekshon ku un kaso di atrako ku nan mester a kometé, unda tambe nan a keda kondená na 4 aña .

Ta trata aki di e hòmbernan Richard Colina, Eudis La Concha, Cesar Carrera ku mester a kometé un atrako, unda nan a keda kondená den promé instansia pa e echo aki i awor ta pendiente pa tratamentu di e kaso den apelashon, despues ku nan a apelá esaki.

Nan a presentá huntu ku nan abogadonan unda 2 di e 3 akusadonan a atmití nan kulpabilidat den e kaso, unda nan a splika ku nan a baha for di outo i atraká e víktimanan 18 di mei tras di lomba. E hòmbernan Colina i tambe La Concha a keda rekonosé despues nan a warda e víktima baha for di outo pa atrak’é huntu ku su yu.

E 2 akusadonan ku a atmití nan kulpabilidat den e kaso aki a trese dilanti ku en bèrdat e dama tabata ku su yu unda e tabata papia na telefòn segun e hòmbernan. Tur esaki despues ku e hòmber Cesar a splika ku el a kaba di sali serka un amiga, unda e 2 hòmbernan a bisé para unda mesora e la para.

A bin dilanti ku ta Colina a bin ku e idea pero esaki tabata pa ladronisia, unda Cesar a bisa ku e no tabata sa ku ta trata di atrako. Loke mas a hala atenshon den e kaso aki ta e echo ku e hòmber Colina a trese dilanti ku den prizòn aki na Kòrsou e ta kome 3 biaha pa dia i ku su famia na Venezuela tin biaha no ta ni kome.

Fiskal a pidi un kastigu di 54 luna pa e sospechosonan unda, despues ku el a bisa ku tur 3 ta kastigabel mirando kual 2 di nan a atmití nan kulpabilidat.

El a splika ku atrako a bin ta asotá nos pais últimamente, unda esaki ta tresiendo hopi intrankilidat. El a splika ku e echo ku esaki a keda kometé ku un arma di kandela, unda a menasá e víktima pa kita kadena i ranka su tas, ta hasi e kaso mas grave. Wes di promé instansia a trese dilanti ku e haña e akusadonan ta kastigabel, unda tambe el a bisa ku e ta tene kuenta ku nan a koperá ku investigashon.

El a kastigá nan tur 48 luna di prizòn unda mañan lo tin tratamentu di e kaso den korte di apelashon.