20 kurpa sin bida hañá na nortost di México

81
Outoridatnan hasiendo investigashon na e sitio.

CIUDAD DE MEXICO – Outoridatnan mehikano a lokalisá un total di 20 kurpa sin bida, 17 di esaki nan kimá den un vehíkulo, na e munisipio di Miguel Aleman na e estado nororiental di Tamaulipas.

E suseso a tuma lugá den oranan di djárason último, na e sitio pertenesiente na e munisipio di Miguel Aleman, serka di e frontera ku Estádos Unídos.

Forsanan Ehérsito i tambe Estatal a informá di e hayasgo den e áea di un total di 17 kurpa sin bida kompletamente kimá i otro tres mas ku no tabata kimá. Esaki huntu ku un total di kuater vehíkulo tipo pikòp i unu tipo sedan, tambe kompletamente kimá.

Segun e promé investigashonnan na e sitio, lo tabatin un fuerte choke armá entre gengnan rival di krímen organisá ku ta lucha pa kontrol pa e tráfiko di droga i tambe personanan indokumentá na e Ciudad Mier i Miguel Aleman, lokalidatnan ku ta forma parti di e asina yamá ‘frontera chica’.

Algun di e mortonan tabata bistí ku paña di kamuflahe tipo militar ku inkluso chaleko antibala i un ekipo táktiko.

Aktualmente, e Kartel Del Golfo ta mantené kontrol den e área aki, kua ta keda fuertemente mirá i usá pa integrantenan di e Kartel Del Noreste, di Los Zetas.

E estado Tamaulipas, kua ta na frontera ku Estádos Unídos, ta un di e regionnan mas peligroso di México i seguidamente ta produsí chokenan entre krímen organisá òf forsa di seguridat.