Estádos Unídos lo no rekonosé Maduro komo presidente

110
Nicolas Maduro, presidente venezolano.

ESTADOS UNIDOS – E mesun dia ku Nicolas Maduro a tuma òf mihó bisa sigui ku su kargo komo presidente di Venezuela, e gobièrnu estadounidense a afirmá nan negativo pa ku rekonosé esaki ku e kargo.

Apesar di a pone vários traba últimamente, for di Washington tòg ta konsiderá ku e elekshon, den kua el a gana ku un supuesto 60 porshento, ta unu ilegítimo.

E deklarashonnan a kore via di kuenta di e konsehero di Seguridat Nashonal di Donald Trump, John Bolton, kende a kalifiká e gobièrnu di Caracas komo un diktadura.

Riba su kuenta di Twitter a sostené ku lo kontinuá oumentando preshon riba e régimen korupto i lo apoyá Asamblea Nashonal demokrátiko. Esaki a indiká ku nan ke demokrasia i libertat kompletu na Venezuela.