Polis ta haña 600.000 euro den bibienda R’dam

136
plaka tabata bon skondí tras kashi
ROTTERDAM—Outoridatnan polisial di Rotterdam a haña gran kantidat di plaka kèsh den un kas na Zuiderterras.

Patras di e kashi kushina tabatin paketenan di plaka skondí, un total di 600.000 euro. Polis a kontrolá den e kas relashoná ku okupashon ilegal. Ofisialmente no tabatin ningun hende inskribí den e kas (spookbewoning) pero regularmente tabatin hende ta drenta sali for di e kas. Den e kas tabatin na e momentunan ei un hòmber di 36 aña i un dama di 33. Nan a keda detené pa labamentu di plaka. Den un kashi di televishon tambe tabatin stapel di plaka i den kushina tabatin material ku ta usa pa paketá droga. Tambe a haña telefonnan kripto, ku kua kriminalnan ta komuniká sin ku polis por interseptá e yamadanan. E investigashon a kondusí na un di dos kas den Strevelsweg. Aki a bin haña dos arma kandela i 22 kilo di droga. E plak aa keda konfiská i ta keda den poseshon di polis i Ministerio Públiko. Fiskal ta determiná kiko ta bai pasa ku e plaka, si e ta bai pa estado òf pa esun kaminda  hañe si e por demostrá ku el a haña e plaka di forma legal.