Sifra di morto den aksidente di tráfiko múltiple ta alkansá nuebe

123
Sitio unda e aksidente a keda registrá.

SANTIAGO DE CHILE – E number di víktimanan a oumentá den un aksidente di vehíkulo tripel ku a keda registrá den oranan di ayera na e lokalidat Mafil, na 810 kilometer sùit di e kapital chileno. Esaki miéntras ku esnan heridá a alkansá 11.

E mesun fuentenan aki a señalá ku den e suseso tres muhé i sinku hòmber a pèrdè nan bida, den un sentro asistensial unda otro persona hòmber mas a bin fayesé.

Segun a keda indiká e aksidente aki tabata entre un bùs, kua tabatin 17 persona biahando abordo i ku tabata regresando di un sentro médiko di Valdivia. Otro dos vehíkulo mas tabata envolví den e aksidente.