A lokalisá tùnel pa tráfiko di persona i droga

59
Lunel ku outoridatnan a deskubrí na e frontera di México i Estádos Unídos.

CIUDAD DE MEXICO – Outoridatnan polisial di México a lokalisá un tùnel di kasi 10 meter di largura, ku presumiblemente ta keda usá pa tráfiko di droga i di persona na e siudat di Nogales, na e estado di Sonora, frontera ku Arizona.

Den e último 30 dianan, e agensia di seguridat i migrashon di ámbos paisnan a reportá e hayasgo di al ménos tres tùnel na Nogales. Dia 4 último, outoridatnan polisial mehikano a haña tambe un pida tùnel konstruí pa komersio i ku a keda bandoná.

Miéntras ku dia 18 di desèmber, e Ofisina di Duana i Protekshon Fronterisa, a reportá e hayasgo di e entrada di otro tùnel ku ta keda konstruí den e sistemanan i pipanan di e siudat mehikano.

E agensia di Kontrol di Droga di Estádos Unídos, a kalkulá ku for di aña 1990, un total di mas di 250 tùnel manera esaki a keda konstruí pa konektá e estado mehikano di Sonora ku Arizona.