Dos morto i un herido den intento di atrako kontra bùs

59
Bùs ku a keda atraká i den kua a registrá e mortonan.

TEGUCIGALPA – Un total di dos persona a pèrdè nan bida i otro mas a resultá heridá den un atrako registrá kontra un transporte urbano na Tegucigalpa, kapital di Honduras.

E bosero polisial hondureño a indiká na medionan di komunikashon ku e víktimanan mortal ta supuesto asaltantenan di e transporte i tambe un pasahero di 70 aña di edat.

E supuesto delinkuente, identifiká komo Franklyn Geovanny Banegas, a pèrdè su bida despues di a resultá heridá ku dos bala na man di otro pasahero abordo di e bùs, ku tabata armá. Tur esaki den un intento di atrako.

E otro víktima mortal a keda identifiká komo Eucebia Jimenez, kende a keda alkansá pa bala, segun outoridatnan a indiká.

Esun heridá a keda identifiká komo Fernel Banegas Alvarenga, segun outoridatnan, kende aparentemente ta ademas e otro supuesto atrakadó ku tabata biaha tambe komo pasahero den e bùs.

E violensia ku tin ta reina na Honduras ta laga un promedio di 11 morto diario, segun fuentenan ofisial a indiká.