Joharvi “Chokoi”Ricardo a dal duru den“Den Do Mayó”

89
Chokoi sin duda tabata master durante di e entrevista.

WILLEMSTAD,—-Ayera tardi e kómiko Joharvi “Chokoi” Ricardo tabata invitado den serka Kòrá Faneite den e programa di farándula “Den Do Mayó” riba e plataforma di Facebook di Vigilante, mester bisa ku un biaha mas e programa a bira tópiko di kombersashon riba e dia di ayera.

Ta masha hopi kos a bin dilanti durante di e entrevista, tabata un entrevista ku “Chokoi” a bin dilanti skerpi, kaminda ku e la konta tur kos kon e la kuminsá den e mundu di komedia, tambe e la gradisí Pachi Damon i Gibi Doran, paso nan dos ta e persona nan ku e pone kaminda ku e ta na e momentu nan aki.

Ayera a bin dilanti ku aparte ku “Chokoi”, e ta den mundu di komedia, tambe e ta un bon piskadó, i ku na mucha e tabata stima hunga futbòl i ku e tabata hasi esaki bon tambe. E aktor kómiko aki den pasado tabata super popular, pero despues e la bin pèrdè for di riba mapa, sigur pa algun aña.

Pero nos tin ku bisa ku “Chokoi” a bòns bini bèk mas fuerte ku e tabata tempu ku e tabatin fama. E la bisa den entrevista ku riba un dia su yu muhé a yega kas den ora nan di atardi i su yu a bisé Tata ku bo kaba, e palabra ku su yu muhé a bisé a dal e hopi duru, paso nunka di su bida e la pensa ku yu lo bisé e palabra ku Tata bo a kaba, e aktor a bisa ku loke ku su yu a bisé tabata yabi pa habri e porta pa su regreso bèk den mundu di komedia, pues nada no ta pasa pòrnada. Sigur un tremendo programa un biaha mas riba e plataforma di Facebook di Vigilante “Den Do Mayó”. Si bo ke sa mas kiko Chokoi a papia den e programa bo tin ku djis subi riba Facebook di Vigilante pa asina bo mes mira i tende e entrevista entre Kòrá Faneite i Chokoi.