Seis morto registrá den aksidente di tráfiko na Cuba

123
Forma ku e vehíkulo a keda despues di e aksidente.

LA HABANA – Seis persona a pèrdè nan bida i otro mas di 30 a resultá heridá den un aksidente di tráfiko i den kua e vehíkulo di kua nan tabata abordo a bai bòltu, reportá den e region oriental di Cuba, den e aña aki.

E vehíkulo den kua e último víktimanan tabata biaha a resultá di ta un di e empresa di Via Azul, kua tabata biaha ku destino pa La Habana, kua a bai bòltu despues di pèrdè kontrol na momentu ku el a intentá di pasa un otro vehíkulo.

Outoridatnan no a revelá te ainda e identidat òf otro detayenan relashoná ku e seis víktimanan aki.

Esnan ku a resultá heridá a sufri diferente sla i kemaduranan i seis di esaki nan ta den un situashon di kódigo kòrá. Esaki ta nifiká ku nan bidanan ta kore un gran peliger.

Spesialistanan di Ministerio di Interior ta investigá otro detayenan di e insidente, kua a keda registrá serka di ‘La Herradura’, serka di e kilometer 25 di e karetera entre e siudatnan di Guantanamo i Baracoa.

Dia 8 di yanüari último, un total di 12 persona a sufri leshonnan, entre nan e shofùr di un bùs ku a aksidentá kontra un trein di pasahero en e provinsia oriental di Granma.

E aksidentenan di tráfiko ta e di sinku kousa di morto na Cuba, unda aña pasá a registrá un morto kada 47 minüt, pa un promedio di morto pa kada 12 ora.

Na 2018 e number di aksidentenan masivo a subi di forma alarmante na e pais, ku ta akumulá mas di 4.400 morto pa e kousa aki for di aña 2012.

Segun un informe resien, ku a keda divulgá pa e emisora di e pais, na luna di yanüari i Òktober di aña pasá, a registrá mas di 8 mil aksidente di tráfiko na e isla.

Segun e gobièrnu, e kousanan prinsipal di e insidentenan aki ta indisipliná sosial, señalnan inadekuá, mal situashon di kayanan i sirkulashon di vehíkulonan sin kontrolnan aktualisá.