Apertura di Kaha di Òrgel a resulta un éksito kompleto

157
Nos Minister Alcalá Wallé a demostrá ku e tin nos Kultura na pechu.

WILLEMSTAD,—- Djasabra tras di lomba a tuma lugá e apertura di kaha di Òrgel, esaki a tuma lugá riba Brion Plein. For di aña pasa Gobièrnu di Kòrsou  a deklará ku aña 2019 lo bai ta haña di Kaha Di Òrgel, mester bisa ku e anunsio en kuestion a kai den bon tera.

T’asina ku e aktividat di Kaha di Òrgel a hala bastante hende riba Brion plein, esaki sigur ta un bon notisia, paso Kaha di Orgel tambe ta parti di nos kultura, es mas e ta mara na nos Kultura, Sigur un bon desishon di parti Gobièrnu di Kòrsou pa deklará aña 2019 aña di Kaha di Òrgel.

Un pabien ta bai na kada Kaha di Òrgel ku a presentá djasabra tras di lomba riba Brion Plein. Loke tambe ku nos a tuma nota di dje, ta e echo ku tin hopi interes di parti di e hóben nan ta siña toka tantu Kaha di Òrgel i tambe wiri, esaki ta nifiká ku e fundeshi di Kaha di Òrgel ta bon protehá.