Echi Juja su nòmber ta ser menshoná komo doño di e banda nobo

107
E la ninga delaster un kos ku nos a puntr’é.

WILLEMSTAD,—-Kos nan ta birando hopi pero hopi interesante den ámbito di Kòmbèk. T’asina ku ‘E Mulina’, a haña informashon ku number di Echi Juja ta ser menshoná komo e posibel doño di e agrupashon musikal nobo den ámbito di Kòmbèk.

T’asina ku nòmber di e kompositor areglista Joke Passial su nòmber tambe ta ser menshon ku lo bai ta e direktor musikal di e banda, asta nos ta na altura di nòmber di e banda, e banda su nòmber lo bai ta “CHIC”, esaki ta si nan no bai kambia e nòmber na kaminda.

Tambe algun siman pasa tras di lomba ‘E Mulina’, a anunsiá e posibel front di e banda nobo ku ta bai konta ku apoyo di 100% di Echi Juju. Manera ku e informashon a yega serka nos, mes ora nos a drenta den kontakto ku doño di kurpa mes ku ta Echi Juja.

Manera ku Echi Juja a kue su telefon nos a bisé di e informashon ku nos ta disponé di dje rondó di su persona, e la puntra nos ta ku informashon nos ta disponé di dje. ‘E Mulina’, a bisé ku nos ta na altura ku den un futuro hopi serkano bo ta bai lanta un agrupashon musikal nobo den ámbito di Kòmbèk i ku lo bo bai konta ku servisio di Joke Passial i tambe ku un front i músiko nan hopi popular, mester bisa ku Echi Juja a ninga delaster un kos ku nos a bisé, pero manera semper nos a bin ta bisa ku “Tempu ta e mihó maestro”.