Gregory Colina ku 10 komposishon den Tumba 49

203
E tin 10 komposishon i 12 areglo den Tumba 2019.

WILLEMSTAD,—-Djadumingu otro siman ku ta 27 di yanüari ta e dia ku lo bai tin inskripshon di Tumba 2019, esaki ya pa basta aña kaba ta tuma logá den Curaçao Festival Center e ta kuminsá 2 or di mèrdia i pa 7 or ya ta konosí ken tur ta den e aña aki pa loke ta trata e di 49 edishon di Festival di Tumba.

Di informashon u a drenta na nos mesa di redakshon ta bisa ku e gran maestro pianista kompositor areglista Gregory Colina tin 10 komposishon i tambe 12 areglo riba su nòmber e aña aki den Festival di Tumba. Esaki ta nifiká ku 10 kantante ta bai presentá komposishon di Gregory Colina.

Pa loke ta trata e parti historia nos mester bisa ku Gregory Colina ta e persona ku tin mas tantu areglo riba su nòmber den historia di Festival di Tumba. Tambe mester bisa ku Gregory Colina te na e momentu aki tin e rekòrt di Tumba ganadó komo areglista riba su nòmber ku un total di 7 esaki nan a sosodé na aña 2008, 2009, 2011, 2012, 2014, 2015 i 2016, awor ta di ban wak ku e aña aki e ta bai para su so na 8 titulo komo areglista ganadó di festival di Tumba.