Jeremy Cijntje tambe a anotá na Hulanda

154
HULANDA—Jeremy Cijntje, kende ta otro di e muchanan oriundo di nos isla, tambe a anotá ayera den futbòl hulandes.

Un ke otro den e segundo divishon, ora ku su ekipo FC Dordrecht ku ta den sotano a topa ku e punteronan di FC Den Bosch, dilanti di 1.649 fanátiko. Nan mester a konformá ku derota pa goliada, ku skor di 6-2, despues ku e promé mitar a transkurí empatá na 1 gol. Tabata faltando 8 minüt pa final, ku Jeremy Cijntje a anotá e di 2 gol pa FC Dordrecht, poniendo tambe mesora e skor final 6-2.