Oposishon venezolano na Madrid ta apoyá Juan Guaidó komo presidente legítimo

49
Juan Guaidó, kende ta keda apoyá pa gran parti di opisitornan di Nicolas Maduro.

CARACAS – Un grupo di opositor venezolano, entre nan e eks alkalde di Caracas, Antonio Ledezma, a pidi Madrid pa apoyá Juan Guaidó, presidente di Asamblea Nashonal, di mayoria opositor, komo e presidente legítimo di Venezuela te na momentu ku konvoká elekshonnan nobo.

E oposishon venezolano, kua a kalifiká e gobièrnu di Nicolas Maduro komo unu di ‘diktadura’, no ta rekonosé esaki su mandato nobo komo presidente. Kua el a asumí dia 10 último i den mesun rosea a pidi Asamblea Nashonal pa asumí poder i konvoká elekshonnan nobo.

Ku algun pankarta riba kua tabata denunsiá ku Maduro ta un ‘diktador’ i un ‘asesino di demokrasia’, un sentenar di opositor apoyá pa algun polítiko spañó, a denunsiá e periodo di gobièrnu di seis aña ku a kaba di keda inougurá pa Maduro.

Segun a keda indiká, ta trata aki di un situashon bastante difísil i a pidi mundu kompletu, pa awor mas ku nunka, no laga nan nan so den e desafio inmenso aki. Esaki nan a indiká ku loke ta bibando na Venezuela ta un diktadura konvenshonal, ku mafianan ku ta ataká i ta na poder. Tur esaki segun loke a keda indiká pa Ledezma, for di Madrid, unda el a hui despues di keda detené na aña 2017.

Di su banda, Juan Guaidó a indiká ku for di Caracas lo konvoká un mobilisashon pa dia 23 di yanüari próksimo i a indiká ku lo e konstituí e promé yamada di akshon pa asina desalohá Maduro di presidensia di nan pais.