Pasahero ta asesiná shofùr di transporte públiko

61
Outoridatnan ainda no sa e motibu di e atake aki.

TEGUCIGALPA – E shofùr di un unidat di transporte públiko di Honduras a keda asesiná na man di un muhé ku a hunga ròl di ta un pasahero den e bùs, na nort di e pais.

José Santos Guardado Lopez, kende ta traha komo shofùr di un ruta di transporte urbano, a keda ataká i tirá den e sektor di e siudat di San Perdo Sula, na nort di Honduras, segun informashonnan den e kaso aki.

Guardado Lopez, kende su edat no a keda divulgá, a keda asesiná pa un muhé armá ku a subi na un parada di bùs. Algun minüt despues di tabata abordo, a lòs bala kontra e hòmber i despues a hui for di e sitio.

Forsanan di seguridat ta investigando e krímen pero te ainda no a logra determiná e motibu di e atake aki.

E trahadónan di e transporte di Honduras ta víktimanan di atrako i ladronisia komo resultado di morto den algun di e kasonan aki. Ademas esaki nan ta keda kobrá i ekstorshoná pa miembro di gèng nan hubenil.

E violensia kriminal ku ta afektá e pais sentroamerikano, diariamente ta laga un promedio di 11 morto. Esaki segun sifranan ofisial ta mustra.