Pòst 6 kasi tabata chikí pa ‘Softball Challenge’

110
Gedion Sambo entregando plakat na miembronan di e ekipo di peloteronan.
WILLEMSTAD—Sin duda e mas ku 1500 personanan ku a akudí na parke Pòst 6 djasabra último a gosa di un dushi ambiente, un tremendo partido di sòftbòl i tambe un kompetensia di Homerun Derby interesante.

Esaki pa loke ta e aktividat organisá pa Gedion Sambo di e selekshon di peloteronan atventista, ku a enfrentá e ekipo di peloteronan YDK, enkabesá pa algun ku ta hunga profeshonal.

Tabata un ambiente, unda tabatin un bar i kushina bon surtí unda ku tur ku a akudí a gosa, den un ambiente liber di alkohòl.

Despues di e parti ofisial, ku entrega di rekuerdo e promé sake di Jonathan Schoop, a kontinuá ku e wega ku a bai 9 entrada i a finalisá den un triunfo di 11-8 pa e peloteronan. Esaki den wega unda entre otro tantu Sharlon ‘Wecho’, komo Jonathan Schoop a konektá 2 homerun i Jurickson Profar 1. Miéntras ku Gedion Sambo tambe tabatin un bataso di kuater skina den kousa pèrdí.

Seguidamente tambe tabatin Homerun Derby, unda tabata Jonathan Schoop, kende a resultá viktorioso.