Maduro ta indiká ku e lo kastigá traishon ku man duru

57
Maduro, kende a indiká den oranan di ayera ku lo trata tur ku traishoná su patria ku man duru.

CARACAS – E presidente di Venezuela, Nicolas Maduro, a atvertí den oranan di ayera ku e lo kastigá e funshonarionan ku man duru, spesialmente esnan ku ta traha ku forsa públiko i ku ta traishoná su huramentu.

durante e entrega di su memoria i kuenta, e lider a indiká ku un grupo di funshonarionan di e Servisio Bolivariano di Inteligensia, a detené ayera e presidente di Parlamento, e opositor Juan Gaidó, den un prosedimentu iregular i ku e agentenan impliká den esaki a keda destituí.

Esaki a indiká ku nan a keda destituí pa motibu ku nan a duna un shou mediatiko kontra interes nashonal i asina lo e sigui aktua kontra kualke funshonario ku traishoná huramentu publiká i kualke funshonario ku presta su mes pa kualke iregularidat.

Den su diskurso, ofresé dilanti e ofisialista Asamblea Nashonal Konstituyente, el a indiká ku e detenshon breve di Guaidó tabata un shou ku a konta ku e koperashon korupto i traidor i e agentenan destituí.

Guaidó di su banda, a indiká den oranan di djadumingu último na periodistanan ku e vershon di e insidente ta demostrá ku Maduro ya no ta kontrolá Forsanan Armá, loke ku ta revelá segun el a sigui agregá, e problema ku ta biba den e pais.

Esaki a bolbe indiká ku e Kámara lo diskutí den oranan di awe, un proyekto di dekreto di amnistia pa militarnan, kende nan e oposishon a pidi apoyo pa restablesé demokrasia den e pais.

Den oranan di djabièrnè último Guaidó a pidi apoyo sivil, militar i ekstranhero pa asina por asumí manda di gobièrnu di Venezuela. Esaki mirando e kosnan fuera di regla ku ta sosodé.