Tim di Vigilante farándula a sorprendé Gibi Rasta Le i Chulo Brunken

116
Momentu ku Gibi i Rasta Le a brasa otro despues di algun aña.

WILLEMSTAD,—-Ayera anochi e Tim di Vigilante Farándula forma pa Umpi Welvaart i Kòrá Faneite den un forma úniko i apart a gara Gibi Doran, Rasta Le i Germain “Chulo” Brunken na momentu ku nan tabata den un negoshashon i òf kombersashon ku otro na The Green House

Ya for di ayera nos a bin ku e informashon ku Rasta Le ta bai partisipá den Festival di Tumba ku agrupashon musikal ICONS BY GIO i loke ku ta bin aserka ku Rasta Le ta bai ku un komposishon di Gibi Doran ku ta su ruman hòmber grandi.

Mas aleu Gibi Doran a bisa nos ku Germain “Chulo” Brunken ta esun ku a negoshashon ku nan dos, esta Gibi i Rasta Le, pa asina trese un Pas i Union bèk entre e dos ruman nan músiko. Esaki sin duda ta un super bon notisia, paso ámbos ruman tabatin algun aña ku nan no tabatin kontakto ku otro.

Dado momentu Kòrá Faneite a puntra “Chulo Brunken” si tabata fásil i òf difísil pa e por a logra trese e dos ruman nan huntu, Brunken a bisa ku “No e la bai hopi asil, paso ámbos persona ya tabata kana ku e mes un sintimentu, i esaki ta pa nan uni bèk ku otro, pero nan no por a haña e kaminda pa yega na otro, esaki ta loke ku mi persona a hasi for di siman pasa, i awe nos a bin pa selebrá esaki i boso di Vigilante a gara nos”. Pues e bon notisia ta ku Gibi Doran i su ruman hòmber mas chikí Rasta Le a pone tur diferensia un banda i kuminsá riba un kaminda nobo.