Di un kantante popular pa un adoradó di e Dios Real ku ta Kristu Hesus

584
Awor e ta bai kanta pa Dios.
WILLEMSTAD,—-E popular kantante Jeye Bernadina no tin mester di niun introdukshon e ta e kantante ku a presentá e tremendo komposishon den añanan 80 den festival di tumba titulá ku mi basora ku e agrupashon musikal organisashon kompletu OK.

Jeye despues di un temporada a pasa pa forma parti di e agrupashon musikal Doble R super speshal stars i aki tambe tabatin éksito riba su nòmber titulá “si quieres marchar”. despues a forma parti di e agrupashon nan musikal Son 8 i tambe Big Size. Na Hulanda Jeye a forma parti di diferente agrupashon musikal komo freelancer.

No opstante tur e karera aki el a yega un momentu den su bida ku el a tuma e desishon pa bandoná farándula sekular pa asina dediká su bida kompletamente na Señor. Den un entrevista bibu direktamente for di Hulanda na un radio emisora lokal Jeye a ekspresá ku e tin un goso asina grandi den su kurason. i si e tabata sa ku ta asina tremendo e goso di Señor ta lo el a tuma e desishon aki masha tempu.

E la remarká tambe ku proklamashon i deklarashon tambe tin hopi poder. Pasobra 10 piku aña pasá el a haña un beibel di regalo serka su amigu ruman Gregory Pastor kende na su turno a hasi orashon kuné i proklamá ku e palabra di Dios lo bira realidat den su bida. I despues di un par di aña esaki a funshoná i a bira bèrdat den su bida. Cyrill Jeye Bernadina ta kongregá na iglesia world wide family restauracion center church na amersfoort. I a enfatisá ku hopi goso den su kurason ku e ta sintié na kas ku e kongregashon aki. I mas ainda huntu ku su amigu ruman awendia Pastor evangelista i lider Spiritual Gregory Pastor.

Por último Bernadina a ekspresá ku e ta bai hasi su máksimo esfuerso pa sigui Kristu ku tur loke ta biba den dje pa asina alkansá e propósito ku Dios a yam’é pe i asina su testimonio por toka bida di otronan den e nòmber di Kristu Hesus. E Mulina’, kier a felisitá Jeye Bernadina i deseando e tur klase di éksito Ku e reto nobo aki.