Maduro ta oumentá salario mínimo ku 300 porshento

108
Nicolas Maduro.

CARACAS – E presidente venezolano, Nicolas Maduro, a anunsiá un subida di 300 porshento di e salario mínimo, ku a pasa di 4.500 pa 18.000 bolívar. Esaki miéntras ku el a señalá ku su Atministrashon lo kontinuá asumiendo e pago di nomina di empresanan privá pa evitá ku e subida ta kousa un inflashon.

Ku e oumento aki, e salario mínimo a pasa di 5.22 dòler pa 20.9 dòler. Esaki ta mantené kasi 4.000.000 di trahadó ku ta risibí esaki den situashon di pobresa ekstremo, segun Nashonnan Uní. Esaki ademas a indiká ku 1.20 dòler diario ta un miseria.
Maduro a splika, ku esaki lo kuminsá kore desde awe, mester keda adaptá di un manera outomátiko na tur e tablanan salarial di e Atministrashon Públiko, unda presisamente e salario mínimo ta norma.
Esaki ademas a indiká ku su gobièrnu lo paga e diferensia di salario na empresanan privá ku solisitá esaki, un plan ku el a inisiá ku lo dura masoménos tres luna.