Roy Makaay a premirá e salida di “tòp talènt” for di Feyenoord: “ Hopi jamer pa nos”

116
Fot tahith: Ku nuebe aña ya e tabata hunga den U-13 kaba di Feyenoord i ganando premionan.
 

 

ROTTERDAM,  – E eks internashonal,  Roy Makaay, ainda ta lamentá e hecho ku Tahith Chong a pasá di  Feyenoord pa Manchester United. Pero apesar di esaki tòg e hecho no tabata un sorpresa pa e eks spits dje ekipo di Rotterdam. 

“Den e sekshon di U-13 mi tabatine komo hungadó den mi ekipo. For di akinan konstantemente e tabata partisipá na trainingnan di spits. Bo mira hopi lihé ku e tabatin un talento grandi”, asina Makaay a duna di konosé den entrevista e siman aki.

“Un hungadó hopi tékniko ku por move bon tambe individualmente i ku hopi bista di wega. Den un palabra un tremendo hungadó”.

E eks spits ku a militá den ekiponan manera  Feyenoord i Bayern München a lamentá e salida di Chong for dje ekipo di Rotterdam, porsierto ku ya debutá kaba pa ekipo den ekipo prinsipal di Manchester  United.

“Wak,  nos mira bini kaba for di un prinsipio”.

“ No ta bon pa akuerdonan pa un kontrakt nobo dura hopi. E la disidí huntu ku su famia pa kis pa United apesar ku a hasi intentonan pa e keda  Rotterdam. Hopi jamer pa nos, pero mi ta deseá Chong tur suerte di mundu”, asina Makaay a duna di konosé.

Chong ta keda mira pa hopi na Hulanda komo e susesor di Arjen Robben, pero  Makaay ta bai un poko poko futuro.

“E komparashon ku Arjen Robben den medianan ta poko eksaherá. Bon nos ta bon den esaki na Hulanda.  Lag’é desaroyá trankilamente sin pone preshon riba Tahith. Mi spera ku e lo bai tin un karera bunita i largu su dilanti”, asina Makaay a terminá bisando.

Chong ku nuebe aña ya tabata hunga den U-11 Feyenoord, miéntras despues pa su talento asta e la kuminsá  mira akshon den U-13 bou di Roy Makaay. Despues di aki ta historia mester keda skibi.