Bob Beaumont di kècher pa GM di Wild Cats

307
Reangelo ‘Bob’ Beaumont di kècher pa GM òf kècher i GM.?
Willemstad,– Pa algun aña kaba sierto personanan tabata fungi komo un semi GM pa e ekipo di Wild Cats “AA”, pero aparentemente Reangelo ‘Bob’ Beaumont a kita nan puesto.

Informashonnan ku Vigilante a bini ta risibí ta mustra ku Bob ta e persona ku ta aserkando hungadónan pa djòin e ekipo di Wild Cats i ora yega momentu di negoshashon e ta involukrá e ‘closer’ di LA Dodgers Kenley Jansen.

Nos a haña nos ku diferente hungadó ku ta bisa ku Wild Cats a aserka nan i na momentu ku nos hasi e pregunta ku ta ken di Wild Cats a aserka nan, e kontesta den tur kaso tabata BOB, pues esaki ta pone nos yega na e konklushon ku Bob lo a bira e kècher/GM di e ekipo, of e lo a kambia di posishon i bira GM lagando e puesto di kècher. En todo kaso esaki ta ta papiando ku hungadónan pa djòin e pushinan brabu, sin duda ta Reangelo Beaumont i esaki a keda konfirmá pa diferente hungadó ku nos a papia kuné.