Bradley Stuart mes lo manehá Firebirds hubenil

197
Bèbè ta bisa ku e ta ku e muchanan for di chikí i na momentu ku nan bira mas grandi otro ekiponan ta brua nan kabes ku kos i bai ku nan i e ta kere ku e mes lo mester tei kaminda e hóben aki ta pa para e wega aki.
Willemstad,–  Deporte Vigilante a kombersá ku e general manager di e ekipo Firebirds, señor Bradley Stuart mihó konosí komo koach Bèbè.

Bèbè a splika Vigilante ku el a tuma e desishon ku pa temporada 2019 e mes lo tuma maneho di e ekipo hubenil na su enkargo. Riba nos pregunta kiko a hib’é na tal desishon, Stuart a splika ku el a disidí esaki, mirando ku tin masha hopi moveshon a bin ta tuma lugá, kaminda kitamentu di hungadó for di otro a bira órden di dia entre e ekiponan di FEBEKO.

Bèbè ta bisa ku e ta ku e muchanan for di chikí i na momentu ku nan bira mas grandi otro ekiponan ta brua nan kabes ku kos i bai ku nan i e ta kere ku e mes lo mester tei kaminda e hóben aki ta pa para e wega aki.

Tambe el a bisa ku e desishon ta mara tambe na e echo ku e kier pa Humphrey Granger haña mas espasio pa traha den “AA” i klase A’. E ta bisa ku Granger tabata mènedjer di hubenil i klase A i koach di “AA” i esaki tabata kita hopi tempu for di Granger.

Pues pa loke ta hubenil di Firebirds, Bradley “Koach Bèbè’ Stuart mes lo ta riba tereno i den dugout komo mènedjer di su muchanan.