El a haña oferta ku e no por a ninga Jaidorick Woods a firma ku Wild Cats

253
Jaidorick na chikí a hunga beisbòl den e organisashon di Groot Kwarrier i despues a bai studia den eksterior.
Willemstad,– Otro kambio di ekipo ku a bai di un forma hopi reservá ta esun di e rèper Jaidorick Woods kende a pasa di Fire Birds pa  ekipo di Wild Cats.

Mester bisa ku e kos tabata un dil entre Wild Cats i Firebirds, kaminda ku Wild Cats mester a manda e kècher Issachar Perreira pa Firebirds pa nan por a haña Jaidorick Woods, pues ta trata akinan di un dil di kècher pa un ouytfielder.

Jaidorick na chikí a hunga beisbòl den e organisashon di Groot Kwarrier i despues a bai studia den eksterior.

Na su regreso na Kòrsou el a kai den e mundu di muzik i a bira un rèper famoso na Kòrsou. Aña pasa Bradley Steward komo GM di Firebirds a aserká Woods pa e bolbe kuminsá hunga beisbòl na momentu ku e tabata pensando di bai hunga pa Kwartier. Finalmente Steward a logra konvensé i el tabatin un bon temporada pa e ekipo Firebirds, tantu ku su bate komo su defensa di outfield.

E aña aki e ekipo di Wild Cats a aserka e outfielder, kende a pidi e ekipo di Firebirds su retiru mirando ku e no tabata un hungadó liber, pero a kambio di esaki nan a pidi pa e kècher Perreira di Wild Cats i kual Wild Cats no tabatin problema pa lag’é bai. Vigilante tin informashon di un suma bastante haltu ku tabatin riba mesa pa Woods kende finalmente a yega na akuerdo ku Wild Cats. Nos a trata di drenta den kontakto ku e grandinan di Wild Cats, pero ningun tabata kontesta nos yamada i nos lo trata di sigui buska kontakto awe durante dia.