Gerrit Schotte ku dos kaso den korte awe kontra estado di Kòrsou

202
E promé kaso awe ta di Gerrit Schotte i Cecily van der Dijs kontra estado di Kòrsou pa loke ta trata trapamentu di nan derechonan sivil.
Willemstad,– Awe lo tin dos kaso ku ta involukrá Gerrit Schotte i no unu, e promé ta bai over di e parti di e derecho di señor Schotte i señora Van der Dijs kontra estado di Kòrsou pa loke ta trata trapamentu di nan derechonan,

Señor Charles Cooper ta bisa ku pa motibu di posibel gañamentu di fiskal Anton van der Schans, kende a bai Italia i bin ku deklarashonnan supuestamente alentador ku a kondusí na kondena di Gerrit i Cecili, pa motibu di e gañamentu ei, nan derecho sivil a wòrdu trapá.

Cooper ta splika ku por ehèmpel ta papiando di kita Gerrit su asiento, e no ta hañando salario, bankonan ta sera nan kuentanan, pues Cooper ta bisa ku e kaso ta pa proba ku e bèrdat pa motibu di lokual a sosodé aki ta trapando nan derechonan sivil i ku p’esei ta importante pa e bèrdat Sali na kla di parti di e italiano kaminda el a duna di konosé ku e ta dispuesto pa bou di huramentashon duna su banda di medaya. E parlamentario ta bisa ku tur esaki ta paso despues ku Pelicano a lesa loke a sosodé ku Schotte i loke a tradusí pe na italiano, e no ta haña su mes den e deklarashon ei i p’esei e kier bin deklará.

Pues e hues lo mester determiná ku e ta laga e mener italiano bini pa deklará i duna su vershon.

DI DOS KASO

Cooper ta splika ku e di dos kaso ta esun di Gerrit Schotte kontra Landa Curacao, kaminda lo kier kita su asiento for di dje. Aki e tin ku defendé su parti i pais Kòrsou tambe ta bini ku su parti. Esaki ta e dos kasonan di awe. Cooper ta bisa ku hopi hende ta topa nan riba kaya i pidi pa saludá Schotte i ku pa awe ta e dia kaminda hinter pueblo ta keda invitá pa bin duna Schotte sosten ku nan presensia  9’or di mainta na Wilhelmina plein.