Gobièrnu di Maduro ta indiká ku Estádos Unídos ta provoká violensia na Venezuela

97
Segun a keda indiká, ta Estádos Unídos ta provoká violensia na e pais.
CARACAS – E gobièrnu di Nicolas Maduro a denunsiá ku Estádos Unídos ta provoká violensia na Venezuela debí ku nan no ta rekonosé legitimidat di e kabesante di estado i ku kontrali ta karga Asamblea Nashonal ku ta pretendé di asumí kompetensia ehekutivo.

Maduro a indiká en oranan di ayera, ku Venezuela ta eksigí rèspèt pa ku su demokrasia. Esaki via di un kuenta di Twitter.

Segun a sigui indiká, tin un grupo ku no ta simplemente konforme ku un blokeo kriminal ekonómiko i un operashon di agreshon kontra Venezuela, pero ku awor nan ta provoká tambe, di forma sin rèspèt, un gòlpi di estado.

E vise presidente di Estádos Unídos, Mike Pence, a indiká den oranan di djamars último na e Parlamento Venezolano, e opositor Juan Guaidó, pa konstrui un unidat entre e gruponan polítiko i e primintí ku lo apoyá nan te na momentu ku logra restablesé demokrasia na e pais.

Den un komunikado ‘White House’ a informá ku Pence a kombersá via di telefòn ku Guaidó i a rekonosé su ‘liderasgo balente’ ku el a mustra komo e opositor i inkluso pa ku su detenshon pa algun minüt den oranan di djadumingu tras di lomba.

Maduro di su banda a hura den oranan di djaweps siman pasá pa un total di seis anja despues di optené reelekshon den mei pasá, den elekshonnan senjalá komo un froude.