Hensley Josephina ta keda mènedjer di Firebirds

272
Sin duda Hensley Josephina ta un di e mihó konosedó nan di beisbòl entre e grupo di mènedjernan den “AA” aki na Kòrsou.
Willemstad,– Otro notisia interesante i di balor pa e ekipo di Firebirds ta e echo ku nan a yega na akuerdo ku Hensley Josephian pa e keda manehá e ekipo den 2019, despues ku el a hasi un bon trabou dne 2018.

Hensley ta un di e mènedjernan aki na Kòrsou ku sigur tin bon konosementu di beisbòl i sa kon guia hóben nan den e deporte.

Temporada pasa el a guia e ekipo den kaya seis kaminda finalmente el a bin pèrdè un wega kaminda sigur su as picher Ronald Bloem a hasi falta. Entretantu Bloem a firma ku Santa Maria Pirates.

Hensley lo bai tin un reto den 2019, mirando ku e lo bai traha ku diferente pelotero hóben un biaha mas huntu ku esnan ku ya a hunga temporada pasa. Mester bisa ku sigur e echo ku el a haña Perreira komo kècher, lo bai yuda sigur ku e staf di picher hóben ku e lo bai tin. Segun direktiva di e ekipo, nan ta bai pa un temporada mihó ku esun di 2018.