Hòmber ta kana ku muhé kadená na garganta aya na Colombia

434
Parti di e grabashon publiká.

BOGOTÁ – E situashon aki ta unu ku a asombrá i a generá rechaso entre e personanan ku tabata kana den e bario eksklusivo di Bocangrande na Cartagena, Colombia. Esaki mirando kon un pareha poko inusual tabata kana riba kaya. Tabata trata aki di un hòmber ku tabata kana ku un muhé kadená, manera kos ku tabata trata aki di un kachó.

Tur kos a keda registrá den un video ku a keda grabá pa un shofùr ku tabata pasa riba e kaya den serkania, na e siudat ariba menshoná. Esaki a indiká ku e hòmber tabata tene e kadena den su man drechi i ku tabata trata aki di un kadena di metal ku tabata mará na garganta di e muhé.

Ademas, riba imágennan por apresiá kon e hòmber tabata kana ta bebe un serbes, miéntras ku e tabata kana ku hopi trankilidat entre e hendenan. Di su banda, e muhé no tabata mustra ningun kondukta relashoná ku sufrimentu òf rechaso pa ku e situashon den kua e tabata.

Segun hopi ku e presensiá e esena aki, nan a keda impreshoná. Segun hopi a indiká, ámbos tabata kana manera kos ku esaki tabata algu normal i komun na nan pais.

Miéntras tantu, outoridatnan polisial a kontá relashoná ku e tema i a indiká ku nan ta deskonosé e situashon i e video aki. Pero di tur manera a sigurá ku lo investigá esaki.

E personanan i komersiantenan di e zona a indiká ku na nan pareser tabata trata aki di algun turista estadounidense i ku ámbos tabata kana trankil di nan, sin importá reakshon di sobrá personanan.

E video aki a keda publiká riba Facebook i a keda kompartí i mirá pa mas 36 mil persona. E usuarionan di esaki nan a kalifiká e situashon aki komo unu humiante