Krokodel enorme ta guli sientífiko na momentu ku e tabata dun’e di kome

310
E animal ya a mata otro krokodel.

INDONESIA – E bida di e sientífiko Deasy Tuwo, di 44 aña di edat, a kaba di un forma trágiko na momentu ku un krokodel di sinku meter di largu a gulié miéntras e tabata dun’e di kome.

E animal a bula riba un muraya di dos meter i mei na un sentro di investigashon na Indonesia i a ataká e muhé.

E reptil a lastra e muhé den awa i a kome esaki kompletu, na bida. Esaki sin ku el a haña chèns di por a defendé su mes òf pidi ousilio.

Segun algun testigu, kompañero di trabou, Tuwo tabata bentando pida di karni pa e reptiel, di nòmber Merry, na momentu ku esaki a bula brutalmente riba dje. E dia siguiente, e personal di laboratorio a logra saka e kurpa sin bida di Tuwo for i e sitio, kua tabata ademas entre e djentenan di e animal.

Na momentu ku nan a keda konsultá pa outoridatnan, e personal di e laboratorio a koinsidí ku Merry tabata un animal sumamente agresivo i ku ya tabata konosé di atakenan registrá anteriormente pa esaki.

Inkluso a indiká, despues di morto di e muhé, ku e krokodel ya ataká i mata otro krokodel ku kua e tabata kompartí habitat.