Mc Lady Lava den Tumba 2019 ku komposishon di Danny Yanga

240
E ta bai hasi su debut den festival di Tumba 2019 ku Fenty Music di Boneiru.

WILLEMSTAD,—-Nos a bin ta bisa ku festival di Tumba 2019 lo bai ta hopi interesante, di informashon ku nos a haña direktamente for di Boneiru ta bisa ku e aña aki festival di Tumba di Kòrsou ta bai konta ku un agrupashon musikal di Boneiru.

Ta trata aki di agrupashon musikal Fenty Music ku tin den front e popular kantante Danny Yanga. Esaki sin duda ta un super bon notisia paso e anda aki nos festival di Tumba ta konta ku dos banda den Reino Hulandes, ku ta Buleria di Aruba i Fenry Music di Boneiru.

Pero esaki no ta tur kos, paso ‘E Mulina’, tin informashon i alabes konfirmashon ku e popular Mc. Mc Lady Lava ta bai hasi su debut den e di 49 edishon di Festival di Tumba i e ta bai hasi esaki ku un komposishon di Danny Yanga i e ta keda kompañá pa e agrupashon musikal di Boneiru ku ta Fenty Music.

E agrupashon musikal di Boneiru ta bai hasi su debut den festival di Tumba na Kòrsou ku Danny Yanga ku último aña aki nan a bin ta skor bon den festival di Tumba, i no tin duda ku e debut di Mc Lady Lava lo bai hala bastante atenshon, mirando aki ku ta trata di un kantante ku ta master den pone ambiente,i ku tin masha hopi fanátiko mes su tras.