Otro siman djabièrnè ta último dia di The Trader den WTC

116
Despues di 30 aña otro siman djabièrnè ta e último dia di The Trader den W.T.C.

WILLEMSTAD,—-Aña pasa den parti final di aña, nos a bini ku e notisia ku despues di 30 aña The Trader ta bai sera su porta nan den W.T.C. mester bisa ku riba e dia en kuestion e informashon a sakudí farándula di Kòrsou.

Awe nos ta trese otro informashon i esaki ta ku otro siman djabièrnè ta e último dia di The Trader den W.T.C. E informashon aki sin duda ta bai bira tópiko di kombersashon riba e dia di awe i sobra di dia nan ku a keda den e luna aki.

No ta un sekreto ku ta masha hopi negoshashon i moveshon rondó di farándula a tuma lugá na The Trader den W.T.C. pa loke ta trata e mundu di polítika tambe ta masha hopi moveshon i desishon nan a keda tuma na e restorant di The Trader na W.T.C.

Sigur esaki ta un sla hopi duru pa tantu trahando nan di W.T.C. pero tambe tur hende ku tur dia di nobo pa 30 aña a pasa dal nan kome sea mainta i durante dia na The Trader, pues despues di 30 aña e kapítulo final ta yegando pa loke ta trata e último dia di The Trader den W.T.C. ku ta otro siman djabièrnè, nos sigur i nos sa ku abo tambe ta bai sinti falta di The Trader den W.T.C. paso durante 30 aña hopi kos bon i ménos bon a pasa den e sitio ariba menshoná. Nos ta deseá kada trahadó di The Trader forsa i nos sa ku tin kos nan grandi na kaminda.