Sharrel“Adjatay”Denisia den Tumba 2019 ku ERA

257
Sigur un kantante ku mester tene hopi kuenta kuné den Tumba 49.

WILLEMSTAD,—-No tin duda ku e informashon aki ta bai lanta masha hopi huma mes den nos farándula lokal, prinsipalmente den ámbito di Festival di Tumba. Di informashon ku a drenta na nos mesa di redakshon ta bisa ku e popular kantante ku ta forma parti di agrupashon musikal Orkesta Vega Sharrel “Adjatay” Denisia e aña aki ta bai partisipá den Festival di Tumba ku e Rei nan di Ambiente i e banda mas eksitoso den Festival di Tumba pa loke ta trata e último 12 aña nan aki ku ta E.R.A. Outéntiko.

Mester bisa ku E.R.A. su Line Up ta hopi atraktivo i peligroso e aña aki, paso nan tin kantante nan ku por pone agrupashon musikal E.R.A. bai para nan so na promé lugá pa loke ta trata e banda ku mas korona gana den historia di Festival di Tumba.

Kantante nan manera Rich Pieter, Hendrik De Windt, Ericson Brigita, Gabrielo “Cuco”Cruz, Tyeisha Bernabela i nan último karta ta Sharrel “Adjatay” Denisia, mester bisa ku sigur agrupashon musikal E.R.A. tin un Line Up hopi agresivo pa ,ku e di 49 edishon di festival di Tumba 2019. ‘E Mulina’, ta bolbe bisa ku Festival di Tumba 2019 ta bai bira hopi interesante.