700 kilo di eksplosivo ku lo a keda usá den atake a keda hañá na Brasil

198
Vehíkulo kompletamente destrosá despues di keda eksplotá

RIO DE JANEIRO – Outoridatnan polisial a haña un total di 700 kilo di eksplosivo ku tabata den un departamento na e siudat na nortost di Brasil i ku segun outoridatnan, lo mester a keda utilisá pa kontinuá ku un ola di atake ku ya pa dos siman kaba ta asotá e region di e pais.

Ya pa 16 dia kaba, na un total di mas ku 44 diferente munisipio di e estado di Ceará, tabata opheto di un seri di aktonan di vandalismo kontra edifisionan públiko, vehíkulonan i establesimentunan komersial.

Segun outoridatnan, e eksplosivonan hañá, ku tabata wardá den 23 diferente kaha den e departamento di e siudat di Fortaleza, kapital di Ceará, lo a keda utilisá pa delinkuentenan den aktonan i atakenan nobo kontra brùg, viadukto i torennan di komunikashon di e estado.

E investigadornan den e kaso aki, ta sospechá ku e material hañá ta parti di un karga di 5 tòn di eksplosivo ku a keda hòrtá na fin di desèmber último, promé ku nan a keda entregá.

Segun investigashonnan, e aktonan di vandalismo aki ta orkestrá, pa frakshonnan kriminal ku ta operá for di interior i ta tuma represaya pa medidanan ku ta pretendé di hasi e kontrolnan den prizònnan di e region mas severo.

Te den e atardi di djamars último, 375 persona a keda detené pa outoridatnan, akusá di ta partisipá den e aktonan aki.