Sorteo Copa Rey a tuma luga: “Barcelona vs Sevilla miéntras Real Madrid lo enfrentá Girona”

134
Fot lionel: Barcelona vs Sevilla ta klèsh ku mas atenshon ta hala den e kuartfinal di Copa Rey.

 

MADRID,  – Djabièrnè a tuma lugá e sorteo di kuartfinal pa loke ta  Copa Rey 2018 – 2019, den salon Luis Aragonés dje Siudat di Futbòl. E ekipo di FC Barcelona lo mester bai enfrentá Sevilla despues ku mester a warda te na último momentu pa sa dje kaso ku e ekipo catalan tabata pendiente pe na unda e  Komité di Kompetishon mester a disidí den un protesta. Tur esaki pa e posibel aliniashon  indebí di Juan Brandáriz ‘Chumi’, den e partido di ida dje oktavo final.

E konhunto azulgrana ku ta e vigente kampeon dje kompetishon lo hunga e partido di ida den Sánchez Pizjuán, miéntras ku esun di buèlta lo ta na  Camp Nou.

E ida lo keda disputa entre dianan 22 i 24 na yanüari, miéntras ku e eliminatorio lo ta un siman despues entre  29 i 31 di yanüari, aunke e fecha no ta eksakto.

E ekipo di Real Madrid di su banda lo bai midi forsa kontra di Girona despues di eliminá Leganés den oktavo final.

E plantel di Solari lo kuminsá hungando den Santigo  Bernabéu, miéntras ku e partido di buèlta lo ta na Montilivi. Lo bai bira e promé biaha ku e plantel rojiblanco ta partisipá den kuartfinal di Copa Rey, despues di eliminá e ekipo di Atlético Madrid den oktavo final.

E ekipo Espanyol di su banda lo mester bai enfrenta  Betis, na unda e partido di Ida lo bai tuma lugá den  RCDE  Stadium i esun di buèlta den Benito Villamarín.

E último duelo di kuartfinal lo sera ku e eliminatorio entre Getafe i Valencia, na unda e partido di Ida lo tuma lugá den  Coliseum Alfonso Pérez  i esun di buèlta den  Mestalla.