ONU ta atvertí di e rísiko di mal nutrishon den venezolanonan ku ta sali for di nan pais

39
E kantidat di venezolanonan ku ta sali for di nan pais ta oumentando kada bes drástikamente.

CARACAS – E Programa Mundial di Alimentashon di Nashonnan Uní a atvertí di e rísiko haltu ku tin di malnutrishon ku hopi di e tres mion di venezolanonan ku a sali for di nan pais pa konsekuensia di e krísis ekonómiko i polítiko ta sufri. Esaki ademas a ofresé na yuda e gobièrnu di Venezuela, si esaki solisitá esaki.

Segun a keda indiká, e migrantenan ta sufri un gran rísiko di inseguridat alimentisio, ku solamente un 1.7 porshento di muhénan ku tin akseso na suplementonan.

E fuente ofisial a suprayá ku e ta teme ku e situashon, un di esnan mas serio den historia di Latino Amérika, ta kontinuá den aña 2019. Esaki sigur tumando na kuenta ku e kontrolnan ku a keda hasí ta revelá ku pa final di e aña aki 5,3 mion di venezolano lo ta bibando for di nan pais di orígen.

Colombia, unda 1.1 mion di migrante venezolano ta biba, na kua mester suma otro 400.000 kolombiano ku a regresá bèk na nan pais for di Venezuela. Pues ta trata aki di e pais ku a hiba e pió parti di e situashon aki.

E bosero ademas a konfirmá ku te ainda, Venezuela no a solisitá yudansa i ku nan no por asistí e pais, si esaki no outorisá. Pa e mesun motibu aki e programanan di yudansa prinsipal ta sentrá na Colombia, unda e programa di ONU ta asistí mas di 290 mil migrante den e zona fronteriso i otro 107 mil na Ecuador.

E yudansa ta dirigí prinsipalmente na muhénan i muchanan menor di edat den situashonnan vulnerabel, ku falta di akseso na servisionan básiko i ku no sa unda nan lo por optené nan siguiente kuminda.

Outoridatnan a lansa un petishon di 34 mion di dòler pa asina finansiá e yudansa na Colombia den anja 2019, un partido similar di 34.4 mion pa e kaso ekuatoriano.