Shòfur hulandes detené na Italia ku 20 kilo heroina

90
e droga tin un balor di 1 mion euro
AMSTERDAM/PADUA—Siman pasa outoridatnan italiano a detené un shofur hulandes ku 20 kilo di heroina na e bario di Padua.

E droga tabata paketá den paketenan di un kilo i a keda haña den kabina di e truk, segun media lokal. E truk di karga internashonal ku number hulandes a keda sigui for di Verona pa polis italiano, ku ta 100 kilometer for di Padua. Despues ku a parker e truk di karga riba un tereno industrial, un hòmber nigeriano a yega na e truk u n saku. Ora polis a intervene polis a haña e droga den e kabina di e truk. Tantu e nigeriano (40) komo e shofur hulandes (53) a keda detené. Segun polis e droga tin un balor di 1 mion euro na Italia.