Skarsedat di gasolin ta kousa morto i difikultat di servisio

74
E situashon tin algun dia kaba kanando.

PORT-AU-PRINCE – Haiti ta pasando den un seri di skarsedat di gasolin for di un siman kaba. Situashon ku ta empeorando kada dia mas i mas i ku outoridatnan ta atribuí na e pedidonan di kombustibel ku no a yega e pais na ora.

E falta di gasolin ta loke ademas a kousa protestanan, komo ku den oranan di djárason último e komunidat di Las Caobas, na sentro di e pais, a manifestá pa konstante pèrdida di koriente. Den e manifestashonnan aki, dos persona a pèrdè nan bida.

E kompanianan telefóniko i hotèlnan ku ta operá na Port-Au-Prince, tambe a presentá problemanan pa ofresé su servisionan debí na skarsedat di gasolin.

Algun sektor haitiano a indiká ku esaki ta produsí un siman despues ku Haiti a firma, huntu ku otro 18 pais, un supuesto resolushon di Organisashon di Estadonan Amerikano, den kua ta ninga di rekonosé gobièrnu di Maduro.

Via di e akuerdo di Petrocaribe, Venezuela ta suministrá Haiti i otro paisnan den region, kombustibel na preis abou i ku un mayor plaso pa paga.

E presidente haitiano, Jovenel Moise, a primintí kasi un aña pasá, ku su gobièrnu lo implementá suministro di energia eléktriko durante henter dia.