Agrupashon musikal ONE ta duna tur honor na Tata di Tumba Boy Dap

160
Nos Tata Emperador di Tumba di tur tempu Boy Dap.

WILLEMSTAD,—-Grandi nan tin un dicho ta bisa ku “Ta na punt’i kabuya bieu tin ku konopá e nobo”. Ayera agrupashon musikal ONE Flavaz a pone riba merkado un piesa dediká na nos Tata Emperador si Tumba Anselmus “Byo” Dap.

Mester bisa ku e banda ONE  ta un di e agrupashon nan  di mas hóben na eksistensha i edat den farándula di Kòrsou, pero esei no ta kita ku no por duna honor i rekonosementu na nos gran baluartenan. Esaki ta e di dos baluarte ku den un tempu hopi kòrtiku ku e banda ta dediká un piesa na dje, Gibi Doran tabata e promé i awor a toka turno na nos Tata di Tumba Boy Dap.

Ta bon pa e hubentut di awor sa kiko Anselmus “Boy” Dap a i ta nifiká pa tumba i músika en general den reino. I ONE Flavaz den forma di un medley ta duna un homenage na nos Tata di Tumba Boy Dap. “Biba Boy”, Un sabor di su 10 tumbanan ganador, Re-areglá pa Randal Corsen Produsí pa  Randal Corsen i Dibo Doran. E kantantenan ta:  Furgell, Gilmar, Kedrick i Dibo. Disfruta di dje.