Eugène Maduro pa promé biaha komo kompositor festival di Tumba

103
Pa promé bes e ta bai partisipá den festival di Tumba komo kompositor.

WILLEMSTAD,—-E nòmber Eugène Maduro no ta deskonosí den nos mundu di farándula, ta trata aki di MC super popular, i na hopi okashon e la MC den diferente evento nan grandi den nos farándula lokal, pero loke si ku a kue nos for di base ta e echo ku e aña aki e ta bai hasi su debut komo kompositor den festival di Tumba su di 49 edishon.

Di informashon ku nos tin ta bisa ku Eugène a komponé un Tumba pa e kantante Crisen Schorea ku tambe ta bai hasi su debut komo kantante den festival di Tumba, mas aleu nos tin informashon ku e kantante ta bai ku agrupashon musikal GET HYPE.

E aña aki sin duda festival di Tumba ta bai konosé hopi kara nobo. Pues awor Eugène Maduro ta bai hasi su debut komo kompositor den e di 49 edishon di festival di Tumba, i tambe Crisen Schorea ta bai hasi su debut komo kantante, nos ta deseá ámbos tantu Eugène Maduro i Crisen Schorea tur klase di éksito den festival di Tumba 2019.