Farley Lourens den Tumba 2019 ku agrupashon musikal ERA

172
E ta 100% aden i ku agrupashon musikal ERA.

WILLEMSTAD,—-Siman pasa ‘E Mulina’, a trese e informashon ku pa 80% e tres biaha Rei di Tumba Farley Lourens e aña aki ta den Festival di Tumba komo kantante kompositor. Awe nos ta konfirmá ku Farley ta den pa 100%.

Otro informashon ku nos tin ta ku Farley ta bai partisipá ku agrupashon musikal E.R.A. T’asina ku ya for di ayera nan a kuminsá fula e Tumba di farley Lourens. I tur hende  a keda ketu, ketu na momentu ku esei a tuma lugá.

Esaki ta nifiká ku awor si e tim di agrupashon musikal E.R.A. ta sera i kompleto, e seis kantante nan ku ta bai ku E.R.A. ta Farley Lourens, Cuco Cruz, Hendrik De Windt, Cucu i Tyeisha Bernabela. Pues ta trata aki di un Line Up super peligroso e aña aki den festival di Tumba.

No tin duda ku fanátiko nan di agrupashon musikal E.R.A. lo ta super kontentu ku e aña aki un biaha mas Farley Lourens ta bai partisipá den festival di Tumba, i mas ainda ku e kantante ta bai ku nan banda stima ku ta E.R.A. E aña aki tin kuater Rei di Tumba di pasado ku por bai para nan so na e puesto number dos ku kuater Korona, ta trata aki di Amos Balentin, Luwi Jano, Hendrik De Windt i Farley Lourens.