Farley Lourens pa 80% ta den festival di Tumba komo Kantante

112
Tur kos ta indiká ku e tim aki un biaha mas ta den festival di Tumba 2019.

WILLEMSTAD,—-Nos ta bolbe ripití ku festival di Tumba 2019 ta bai bira hopi mas grandi ku hopi hende ta pensa. Tur e dia nan aki ta masha hopi skùif mentu mes tin den diferente agrupashon musikal, paso mas ku klaro kada un agrupashon musikal ku ta bon representá den e di 49 edishon di festival di Tumba 2019.

Di informashon ku ‘E Mulina’, ta disponé riba dje, ta bisa ku pa 80% e tres biaha Rei di Tumba Farley Lourens ta partisipá den festival di Tumba komo kantante kompositor. For di un fuente ku ta hopi serka di e kantante Farley nos a haña informashon ku e komposishon di Farley ta 100% kla.

Tambe nos fuente a bisa nos ku Farley ta bai ku su dos areglista nan di tur tempu ku ta Ravello Antion i Hershel Rosario, nos fuente a bisa nos ku ya e trio aki ta den kombersashon nan i ku práktikamente tur kos ta kla pa e dos areglista nan kuminsá traha riba e areglo di Farley Lourens.

Otro informashon ku nos ta disponé di dje ta ku den 48 ora e desishon final ta kai. Pero nos fuente a bisa nos ku Farley Lourens tin un señor Tumba i esaki ta pone ku e tres biaha Rei di Tumba na 2003,2004 i na 2005 su chèns ta grandi ku e anda aki e ta bolbe bai partisipá den festival di Tumba i ku e ta bai ku e meta pa bai kue su di kuater Korona, i en realidat Farley Lourens ta bai partisipá e aña aki den festival di Tumba, manera ku nos fuente ta sigurá nos, esaki ta nifiká ku e ta bai ku agrupashon musikal E.R.A. paso Farley a partisipá na 10 okashon ku E.R.A. den festival di Tumba i na aña 1994 e la Sali promé finalista ku e Tumba “Mi ke mi kos hinté”.