Gibi Doran i Dido-D tabata grandi den “Den Do Mayó”

278
Tata ku Yu tabata grandi ayera den e programa di Farándula “Den Do Mayó”.
WILLEMSTAD,—-Ayera un biaha mas e programa di Farándula “Den Do Mayó”riba e plataforma di Facebook di Korant Vigilante tabata grandi, komo invitado den e programa tabatin Gilbert “Gibi”Doran i Gilbert Doran Jr, ta trata aki di Tata i Yu eksitoso den nos farándula.

E tópiko di e programa di ayera tabata Festival di Tumba su historia di ámbos su partisipashon. Nos tin ku bisa ku tantu Gibi Doran i su yu Dibo-D a hasi historia den festival di Tumba, pa loke ta trata Gibi Doran na aña 1980 e la partisipá pa promé biaha na edat di 15 aña i na aña 1984 e la ta bira e Rei di Tumba di mas yòn di historia ku 18 aña di edat, tambe ta bin aserka ku e la sali promo finalista na dos okashon ku ta na 1986 i 1987.

Pa loke ta trata Dibo-D e tin riba su nòmber kuater promé finalista ku ta na aña 2011,2015,2016 i na 2017. Mester bisa ku Dibo-D ta empatá e rekòrt huntu ku dft Luti Samson ku ta e promé kantante ku a sali promé finalista tres biaha tras di otro, esaki nan tabata na 1974,1975 i na 1976, nos tin ku bisa ku ta masha hopi informashon mes ta bin dilanti durante di e entrevista den e programa di farándula “Den Do Mayó”, ta bon pa bo mes subi e Facebook di Korant Vigilante i asina bo sinta trankil di disfrutá di e tremendo entrevista di Gibi Doran i su yu Dibo-D den e programa di farándula “Den Do Mayó”.