Investigashon duaneronan korupto haf Rotterdam

58
mas duanero korupto investigá den haf
ROTTERDAM—Ministerio Públiko ta sospechá tres duanero den haf di Rotterdam di labamentu di plaka.

Ora reshèrshi a bai chek nan kuenta di banko a ripará ku tabatin sumanan kuantioso deposit ku no tabata kuadra ku nan salario. Den entradanan n akas polis a haña e siman aki 155.000 kesh, oloshinan i prenda. Tambe a konfiská dos kluis. E tres hòmbernan di 31, 34, 37 ta prosedente di Rotterdam, Schiedam i Den Haag, pero a keda detené. Duana a suspendé nan pendiente e investigashon. E investigashon ta kontinuá. Un bosero di OM ta bisa ku ta investigá prosedensia di e plaka. Nan sa di otro investigashonnan ku duanero por gana hopi plaka si nan koperá ku trafikantenan. Duana na Rotterdam tin años ta bringa ku skandalnan. Kasi dos aña pasa duanero Gerrit G a keda kondená na 14 aña kastigu pa korupshon. E siman aki tin otro duanero ku mester presentá den korte pa asistensia na kriminalnan den importashon di droga. Aña pasa a sali na klak u korupshon den haf di Rotterdam ta riba gran eskala. Trahadónan di kompanianan di konteiner tabata keda soborná i for di kombersashonnan entre sospechosonan a resultá ku sigur tres duanero tabata yuda nan. Riba e departamento di pre-arrival kaminda Gerrit G tabata traha tambe duaneronan tabata keda soborná pa kriminalnan di droga. E departamento ta determiná kua konteinernan ta keda kontrolá.