Lucho Rosales ta bai hasi su debut den Tumba 49

379
E ta bai hasi su debut den festival di Tumba 2019.
WILLEMSTAD,—-Esaki tambe sin duda ta otro informashon ku ta bai bira tópiko di kombersashon riba e djabièrnè aki. T’asina ku ‘E Mulina’, a haña informashon ku Lucho Rosales tambe ta bai partisipá den festival di Tumba 2019 pa promé biaha, esaki ta nifiká ku Lucho ta bai hasi su debut.

Nos tin informashon ku ya Lucho su komposishon ta kla i ku tambe su areglo ta kla. Mas aleu nos a komprendé ku e wikènt aki Lucho Rosales ta bai kuminsá ensayá su komposishon ku agrupashon musikal TIME, tambe nos a komprendé ku Angelo Djaoen ta e kompositor di Lucho Rosales.

E aña aki sin duda tin hopi kantante ku ta bai hasi nan debut den festival di Tumba, i esaki sin duda ta bon, paso asina nos festival di Tumba ta keda krese i bira mas grandi. Pa loke ta trata e músiko kompositor pianista Angelo Djaoen ku ta yu di dft Harry Zemmerman ta bèk aktivo den festival di Tumba despues di algun aña  ku e no a hasi esaki.

Pues dia 27 di yanüari ku ta otro siman djadumingu Lucho Rosales ta bai inskribí su komposishon den Curaçao Festival Center. I ‘E Mulina’, a komprendé ku Lucho Rosales tin hinter un show harma ku e ta bin kuné den Curaçao Festival Center otro siman djadumingu.