Maleta ku restunan humano deskubrí na IJdijk

315
maleta na e sitio for di 11 yanüari
AMSTERDAM—Den un maleta ku a haña ayera mainta banda di Zuider IJdijk na Amsterdam outoridatnan a haña restunan humano.

Polis a haña un melding di esun ku a deskubrí e maleta. Reshèrshi i team forensiko a start investigashon pa entre determiná identidat di e víktima. E maleta a keda deskubrí riba Zeeburgereiland. Polis no sa kon e maleta a yega kantu. Outoridatnan ta buskando testigunan ku por a mira algu den ultimo siman. Segun investigashon preliminar e maleta ta na e sitio for di 11 yanüari. Polis a haña melding di e maleta den awa for di siman paso pero no por a haña esaki ora nan a yega na e sitio. E teritorio ta asina grandi i esun ku a hasi melding no a keda na e sitio segun bosero polisial. Polis no por a drenta den kontakto mas tampoko ku esun ku a mèldu pasobra el a yama for di un number seyá. Djasabra alrededor di 11:20 mesun persona a bolbe tuma kontakto. Esaki a kondusí na e maleta ku despues konfirmashon ku tabatin restunan humano. Team Onderwaterzoekingen di unidat nashonal a hasi nvestigashon ayera den laman na latura di Zuider IJdijk. Ta buskando si por haña evidensia pa e investigashon segun bosero polisial. E team spesial di buseo SOAD tambe ta duna saitensia ku aparatonan spesial.