Manager Coop den koma despues di atrako brutal

59
hefe gravemente heridá den atrako supermerkado Coop
RIDDERKERK—E manager di Coop na Ridderkerk ta den koma despues ku el a keda hinká djasabra durante un atrako.

Asina e kahera  bisa RTL Nieuws. E kahera ta konta kon e atrakadó a menasá e persona ku un kuchú di kòki pa despues atakaá e manager. Polis ta konfirmá ku situashon ta krítiko. Lo ta un trauma ku e ta keda kune henter su bida, segun e kahera. E atrako djasbra riba e supermerkado na Vlietplein Ridderkerk a laga un marka riba dje. Alrededor di 10’or anochi prome ku Coop a sera, un hòmber a drenta e supermerkado. E kahera a ripará mésora ku tin algu robes. E hòmber di alrededor di 20 aña a kana stret bai bali di servisio. El a eksihí plak. E daman a e bali a kai den shòk, pa e motibu el a pidi e kahera yudansa, pero e kaha no kier a habri. Na e momentu ei e sospechoso a zwai ku su kuchú i menasá e personal. Entretantu a atvertí klientenan i hefenan di e atrako. E manger a yega i dal e sospechoso ku un tas pa protehá personal. Despues e atrakadó a hink’e den su pechu. Despues di un forsageo e tabata sangra profusamente i tabatin un herida na su kabes tambe. Mésora a transport’e pa hospital kaminda e ta den koma den kuido intensivo. Polis a start un búskeda amplio pa lokalisá e atrakadó.