Un ora pa otro “Brilo Bass” su telefon ta bai rin

206
E por ta e posibel promé moveshon grandi den nos farándula despues di temporada di karnaval.

WILLEMSTAD,—-2019 sin duda ta bai bira otro aña kaminda ku lo bai tin diferente moveshon den nos farándula lokal. ‘E Mulina’, ta hañando diferente informashon ku posibel moveshon nan ku ta na kaminda, i tur e moveshon nan aki ta bai tuma lugá despues di temporada di Karnaval.

T’asina ku na e momentu nan aki diferente di e mosaiko nan ku ta den e moveshon nan, tin afsprak traha ku nan ta keda ku e agrupashon musikal nan te ku sinku di mart, esaki ta nifiká ku despues di sinku di mart ta masha hopi moveshon mes ta bai tuma lugá.

Di informashon ku a drenta na nos mesa di redakshon ta bisa ku, un ora pa otro telefon di e talentoso músiko basista Jourich “Brilo Bass” Christina ta bai rin, esaki ta den e posibel promé kambio grandi pa aña 2019, na e momentu nan aki “Brilo Bass” ta forma parti di Highway Band.

Manera ku nos a haña e informashon en kuestion, mes ora nos a drenta den kontakto ku “Brilo Bass”, t’asina ku manera ku “Brilo Bass” a kue su telefon sin a pensa dos bia ‘E Mulina’, a atake ku e informashon ku nos ta disponé di dje, pero den mes un rosea “Brilo Bass” a bisa ‘E Mulina’, ku “Mi no sa nada di loke ku bo ta bisami di dje aki, di bèrdat esaki si ta un notisia nobo p’ami”, den mes un rosea ‘E Mulina’, a bisa “Brilo Bass” ku Tempu ta e mihó maestro.